पनवेल तालुक्यात 24 तासांमध्ये नवीन रुग्ण नाही

पनवेल : प्रतिनिधी

येथील महापालिका क्षेत्रासह तालुक्यात बुधवारी (दि. 15) कोरोनाचा एकही नवीन रुग्ण आढळलेला नाही. पनवेल महापालिका क्षेत्रात कोरोना पॉझिटिव्हची संख्या 26 असून उलवे नोडमधील चार रुग्णांमुळे पनवेल तालुक्यात 30, तर उरणमधील दोन पॉझिटीव्हमुळे रायगड जिल्ह्यातील कोरोनाग्रस्तांची संख्या 32 कायम आहे. दरम्यान, तपासणीसाठी पाठवलेल्या 354 पैकी 312 जणांचे रिपोर्ट निगेटिव्ह आले असून 10 जणांचे  रिपोर्ट अद्याप मिळालेले नाहीत. कोविड 19चे चार रुग्ण बारे झाले, तर एकाचा मृत्यू झालेला आहे. खारघर येथील ग्रामविकास भवनातील केअर सेंटरमध्ये 17 जण, कोविड (उपजिल्हा) रुग्णालयात 24 आणि कामोठे एमजीएम रूग्णालयात 16 जण उपचार घेत आहेत, अशी माहिती प्रशासनाकडूनदेण्यात आली.