पोलिसांना होमिओपॅथिक गोळ्यांचे वाटप

पनवेल : वार्ताहर

बँक ऑफ बडोदा कामोठे शाखेच्या वतीने व एन. कनेक्ट डॉ. नितीन पोवळे यांच्या सहकार्याने कामोठे पोलीस ठाण्यातील अधिकारी व कर्मचार्‍यांना आर्सेनिक अल्बम-30 या होमिओपॅथिक गोळ्यांचे मोफत वाटप करण्यात आले. आयुष मंत्रालय यांच्या शिफारशीनुसार आर्सेनिक अल्बम-30 या  होमिओपॅथिक गोळ्यांचा डोस रोगप्रतिकारशक्ती वाढविण्यासाठी उपयुक्त ठरत असल्यामुळे आर्सेनिक अल्बम-30 या गोळ्यांचे मोफत वाटप करण्याचा उपक्रम बँक ऑफ बडोदा कामोठे व एन. कनेक्ट डॉ. नितीन पोवळे यांच्या सहकार्याने राबविला जात असून त्यांनी कामोठे पोलीस ठाण्याचे वरिष्ठ पोलीस निरीक्षक बाबसाहेब तुपे यांच्याकडे या गोळ्यांचे किट सुपूर्द केले. या वेळी बँक ऑफ बडोदा कामोठे शाखेचे व्यवस्थापक संजय गोडसे व डॉ. नितीन पोवळे आदी उपस्थित होते.