अंबा नदीपुलाजवळ झाड कोसळले; वाहतूक ठप्प

पाली ः प्रतिनिधी

निसर्ग चक्रीवादळामुळे पाली-वाकण राज्य महामार्गावर अंबा नदीपुलाजवळ बुधवारी (दि. 3) रस्त्यावर एक झाड कोसळले. त्यामुळे येथील वाहतूक ठप्प झाली होती. प्रशासनाने याची ताबडतोब दखल घेत या मार्गावरून कोणीही न जाण्याच्या सूचना दिल्या. हे झाड रस्त्यावर आडवे पडल्याने बहुतांश रस्ता व्यापला गेला होता. सोसाट्याचा वारा व पावसामुळे हे झाड बाजूला करणे किंवा काढणे लगेच शक्य झाले नाही. रस्त्यावर पडलेल्या झाडामुळे येथील वाहतूक काही काळ ठप्प झाली होती.