पाली येथील अंगणवाडीत फुलली परसबाग

पाली ः प्रतिनिधी

एकात्मिक बालविकास सेवा योजना अंतर्गत 1 ते 30 सप्टेंबर या कालावधीत पोषण महाअभियान राबविले जात आहे. या अभियानांतर्गत अंगणवाडी केंद्र पाली बेघरआळी येथे परसबाग करण्यात आली होती. ही परसबाग अत्यंत सुंदर व मनमोहक दिसत होती. या वेळी मार्गदर्शन व जनजागृतीही करण्यात आली. कोरोनाच्या पार्श्वभूमीवर शासकीय नियमांचे काटेकोरपणे पालन करीत हा कार्यक्रम घेण्यात आला.

   या अभियानांतर्गत पहिले एक हजार दिवस बाळाचे, रक्ताशय, अतिसार, हात धुणे आणि पौष्टिक आहार, वैयक्तिक स्वच्छता व कोरोनासंबंधी माहिती हे उपक्रम राबविण्यात आले. तसेच कुपोषण आणि आरोग्यासंबंधी शपथ घेऊन जनजागृती करण्यात आली. कोविडच्या पार्श्वभूमीवरदेखील या काळात अतिशय नियोजनबद्ध काम व जनजागृती केली जात आहे. कार्यक्रमाच्या उद्घाटनाला प्रकल्प अधिकारी रंजना म्हात्रे, पर्यवेक्षिका सुनीता भुरे, संगीता लखीमळे, जयेश पाटील, अंगणवाडी सेविका आदी उपस्थित होते.