माजी पंतप्रधान स्व. अटलबिहारी वाजपेयी यांच्या जयंतीनिमित्त अभिवादन

उरण : वार्ताहर – देशाचे माजी पंतप्रधान स्व. अटलबिहारी वाजपेयी यांची जयंती शुक्रवारी (दि. 25) उरण भाजप कार्यालयात करण्यात आली. या वेळी आमदार महेश बालदी यांनी अटलबिहारी वाजपेयी यांच्या प्रतिमेला पुष्पहार अर्पण करून अभिवादन केले.

या वेळी तालुकाध्यक्ष तथा नगरसेवक रवी भोईर, शहराध्यक्ष तथा नगरसेवक कौशिक शहा, तालुका सरचिटणीस सुनील पाटील, महालन विभाग अध्यक्ष तथा माजी सरपंच महेश कडू, जसिम गॅस, परशुराम म्हात्रे, कामगार नेते जितेंद्र घरत, केगाव उपाध्यक्ष अंकित म्हात्रे, केगाव युवा सरचिटणीस विराज म्हात्रे, राजेश नाखवा, शहर सरचिटणीस देवेंद्र घरत व भाजपच्या पदाधिकारी व कार्यकर्त्यांनी अटलबिहारी वाजपेयी यांच्या प्रतिमेस अभिवादन केले.

कळंबोली : भाजप शहर मंडलच्या वतीने स्वर्गीय अटल बिहारी वाजपेयी यांची जयंती साजरी करण्यात आली. या वेळी भाजप उत्तर रायगड जिल्हा चिटणीस रमेश नायर, भाजप भटके विमुक्त आघाडी उत्तर रायगड जिल्हाध्यक्ष बबन बारगजे, शहर उपाध्यक्ष दिलीप बिष्ट, भटके विमुक्त आघाडी मंडळ अध्यक्ष आबा घुटुकडे, नगरसेवक कमल कोठारी, शहर मंडळ उपाध्यक्ष संदीप भगत, महादेव कोळी, अनिल नायर, राजेंद्र नायर आदी उपस्थित होते.

कदम मिलाकर चलना होगा!

पनवेल ः देशाचे माजी पंतप्रधान श्रद्धेय स्व. अटलबिहारी वाजपेयी यांच्या जयंती दिनी पनवेल भाजप जनसंपर्क कार्यालयात अटलजींच्या काव्यपंक्तीचे पोस्टर लावण्यात आले असून, तेे सर्वांचे लक्ष वेधून घेत आहे तसेच सोशल मीडियावरदेखील चांगलेच व्हायरल होऊन कौतुक होत आहे. अटलजींच्या जयंतीनिमित्त दरवर्षी अटल करंडक या राज्यस्तरीय एकांकिका स्पर्धेचे सन 2015पासून पनवेलमध्ये भव्य-दिव्य आयोजन करण्यात येते, परंतु या वर्षी कोरोना काळात स्पर्धेचे आयोजन जानेवारीदरम्यान करण्यात आले आहे.