पं. नेहरू जयंती, बालदिन जासई हायस्कूलमध्ये उत्साहात

उरण : वार्ताहर, प्रतिनिधी

रयत शिक्षण संस्थेच्या उरण तालुक्यातील जासई येथील श्री छत्रपती शिवाजी हायस्कूल व लोकनेते दि. बा. पाटील ज्युनिअर कॉलेजमध्ये भारताचे पहिले पंतप्रधान पंडित जवाहरलाल नेहरु यांची जयंती व बालदिन साजरा करण्यात आला.

पंडित जवाहरलाल नेहरू यांच्या प्रतिमेस शाळा व्यवस्थापन व विकास समितीचे अध्यक्ष तसेच भारतीय मजदूर संघाचे राष्ट्रीय सरचिटणीस सुरेश पाटील यांच्या हस्ते पुष्पहार अर्पण करण्यात आला. या वेळी विद्यालयाचे प्राचार्य व रयत शिक्षण संस्थेचे लाईफ वर्कर अरुण घाग, उपमुख्याध्यापक मोरे, रयत सेवक संघाचे समन्वयक नुरा शेख, डी. बी. म्हात्रे, शिपाई मुंबईकर आदी उपस्थित होते.